İçeriğe geçmek için "Enter"a basın

Ս. Դաւիթ Մարգարէի և Յակոբոս Տեառնեղբայր Առաքեալի Յիշատակութեան Օր

23 Դեկտեմբերի 2019

Ս. Դաւիթ Մարգարէն Պոազի և Հռութի ծոռն է: Ան Աստուածաշունչ մատեանի Սաղմոսաց Գիրքի հեղինակն եղած է, Նաև շնորհալի, քաջ, իմաստուն, ճարտասան, գեղեցիկ տեսքով մարդ մը:

Եղած է հովիւ: Փղշտացիներու հարձակման ժամանակ կը հաղթէ հսկայ Գողիաթը: Սաւուղի մահէն յետոյ Իսրայէլի թագաւորը կ՛ըլլայ և կը հիմնադրէ Երուսաղեմ քաղաքը: Հին Կտակարանի ամենամեծ և ազդու դեմքերէն է: Աշխարհի Փրկիչ Յիսուս Քրիստոս անոր սերունդէն եկած է։

Ս. Յակոբոս Տեառնեղբայրը աւետարանական սուրբերը և «Գործք Առաքելոց»-ի սուրբերը իրարու կապող օղակն է: Ան եղած է Նախնական Եկեղեցւոյ տիրական դեմքերէն և Երուսաղեմի առաջին եպիսկոպոսը:

Յովսեփիոս Յրեայ պատմիչը ան «արդար» կ’անուանէ: Վարքագրական աղբիւրներու համաձայն՝ ոմանք անոր կը պատուիրէն բարձրանայ աշտարակի վրայ և Յիսուսի դէմ չարախօսէ: Սակայն ան կը խօսի Յիսուս Մեսիայի մասին, Որ նստած է Աստուծոյ Աջ կողմը և աշխարհը արդարութեամբ դատելու պիտի գայ։
Շատերը հաւատքի կու գան, բայց չարակամները սուրբը աշտարակէն վար կը նետեն: Ըստ աւանդութեան՝ թաղուած է Երուսաղեմի Հայոց Պատրիարքութեան Ս. Յակոբեանց Մայր Տաճարը: Անոր անունով մեզ կը հասնի Ընդհանրական թուղթ մը:

Հայ Եկեղեցին Դաւիթ Մարգարէի յիշատակը կը տօնէ Յակոբոս Տեառնեղբոր հետ, որովհետև եթէ Դաւիթը Քրիստոսի «նախահայրն» է ըստ մարմնի, ապա Յակոբոսը՝ անոր «եղբայրը» և ազգականը: Այս երկու սուրբերու անուները միասին կը տօնեն` խորհրդանշելու Հին և Նոր Ուխտերու միաձուլումը քրիստոնէութեան մէջ:

Հայ Առաքելական Եկեղեցին Ս. Դաւիթ մարգարէի և Յակոբոս Տեառնեղբայր Առաքեալի յիշատակը կը տօնէ Սուրբ Ծնունդին նախորդող աւագ տօներու ժամանակ:

Աղբիւր։ Qahana

Թարգմանութիւն։ Անուշ Գարմէն Սար

İlk yorum yapan siz olun

Bir Cevap Yazın

%d blogcu bunu beğendi: