Հրեշտակապետեր Գաբրիէլի և Միքայէլի և ողջ երկնային Զորքի Յիշատակութեան Օր

Հայ եկեղեցւոյ հրեշտակաբանութեան համաձայն` հրեշտակներն անմարմին հոգիներ են՝ իմացական, անձնիշխան, մշտաշարժ, անսեռ, անմահ և սպասաւոր Աստուծոյ:

Ըստ եկեղեցւոյ Սուրբ հայրերուհրեշտակները, իբրև լուսեղէն էակներ, ստեղծուած են արարչագործութեան առաջին օրը լոյսի հետ միասին: Աստուծոյ հրահանգով անոնք կը սպասաւորեն մարդ արարածին: Հետևաբար անոնք սպասաւոր հոգիներ են, որոնք երկնաբնակ ըլլալով հանդերձ, իրենց մասնակցութիւնը կը բերէն նաև երկրաւոր կեանքի ընթացքին, կը գործեն ժամանակի և տարածքի մէջ ապրող մարդու հետ, մարդու համար:

Հրեշտակները կ’անուանուին նաև Աստուծոյ պատգամաւորներ, որոնք մեզ կը փոխանցեն Տիրոջ կամքը: Ս.Գիրքը կը վկայէ որ անոնք բազմաքանակ են:

Ըստ Ս.Դիոնիսիոս Արիսպագացիիհրեշտակները ունին ինը դասեր Աթոռներ, Քերովբէներ, Սերովբէներ, Տերութիւններ, Զորութիւններ, Իշխանութիւններ, Պետութիւններ,
Հրեշտակապետեր եւ Հրեշտակներ:

Գաբրիէլ անունը, որ կը նշանակէ «Աստուծոյ այր», Բարձրեալի անմիջական պաշտօնեան է, որին վերապահուած է Տիրոջ վերին խորհուրդները աւետարանելու շնորհը:

Այս հրեշտակապետը ուղարկուած էր Տիրոջ կողմէ, Ս.Կոյս Մարիամին բարի լուրը հաղորդելու եւ Զաքարիային` Ս. Յովհաննէս Մկրտչի ծննդեան աւետիսը տալու համար:

Միքայէլ անունը, որ կը նշանակէ «Ո՞վ է Աստուծոյ նման», Երկնաւոր Արքայի փառքի և անոր ժողովուրդի պաշտպանութեան համար մարտնչողն է, որին տրուած է կառավարելու և թագաւորելու շնորհը:

Միքայէլ հրեշտակապետի անունը չորս անգամ վկայակոչուած է Ս. Գիրքի մէջ (Դան. Ժ 13, ԺԲ 1, Հուդ. Ա 9, Հայտ. ԺԲ 7):

Աղբիւր։ Qahana

Թարգմանութիւն: Անուշ Գարմէն Սար

Նկարներ: Ghevond Vardapet