Հայաստանի ֆուտբոլի ազգային հավաքականի և «Արսենալ»-ի կիսապաշտպան Հենրիխ Մխիթարյանը չի մասնակցի Եվրոպա լիգայի խաղարկության եզրափակչին, որը կայանալու է մայիսի 29-ին` Բաքվում:
Ինչպես հայտնում է «The Times»-ը, «Արսենալ»-ը մտադիր է Մխիթարյանին թողնել Լոնդոնում: Ֆուտբոլիստն անվտանգության նկատառումներից ելնելով չի մեկնի Բաքու: Մխիթարյանը նախկինում ևս մի քանի անգամ չի մեկնել Ադրբեջան՝ եվրագավաթային հանդիպումների:
Նախորդ տարի նա բաց է թողել Եվրոպայի լիգայի խմբային փուլում «Ղարաբաղ»-ի հետ խաղը, իսկ 2015 թվականին «Բորուսիա»-ի կազմում չի մասնակցել «Գաբալա»-ի հետ արտագնա դիմակայությանը:
Երեկ լոնդոնյան ակումբը պաշտոնական հայտարարություն էր տարածել, որտեղ դժգոհություն էր հայտնել ԵԼ-ի եզրափակիչն Ադրբեջանում անցկացնելու փաստի առթիվ:
İlk yorum yapan siz olun