Հնդկական «The Economic Times» պարբերականը հոդված է հրապարակել Հայաստանում ինֆորմացիոն տեխնոլոգիաների ոլորտի ձեռքբերումների, ստարթափ-ծրագրերի ու կրթական բարեփոխումների մասին:
«Հայաստանը, որ հայտնի է իր հարուստ պատմությամբ և անկայուն անցյալով, Խորհրդային միության փլուզումից հետո առնչվեց աղքատությանը, գործազրկությանն ու «ուղեղների արտահոսքին»: Բայց, չնայած տնտեսական լճացմանը, վերջին տասնամյակում Հայաստանը զգալի առաջխաղացում է գրանցել տեխնոլոգիաների ոլորտում, ինչը հույսեր է ներշնչում, որ սահմանափակ ռեսուրսներով երկիրը հետագայում կարող է դառնալ ինֆորմացիոն տեխնոլոգիաների գլոբալ կենտրոն»,- գրում է հնդկական պարբերականը:
«The Economic Times»-ի հոդվածում հատուկ անդրադարձ կա Թումո ստեղծարար տեխնոլոգիաների կենտրոնին, որտեղ անվճար հիմունքներով սովորում է 7 հազար երեխա:
İlk yorum yapan siz olun