ԱՄԵՆ. Ս. ՊԱՏՐԻԱՐՔ ՀԱՅՐԸ ԱՅՑԵԼԵՑ ՎԵՐԺԻՆ ՇԱՊՃԸԻ ՑՈՒՑԱՀԱՆԴԷՍԸ

Ն.Ա.Տ. Սահակ Բ. Պատրիարք Հայրը, 16 Նոյեմբեր 2024, Շաբաթ, Մխիթարեան Սանուց Միութեան Փանկալթիի հաւաքատեղիին մէջ այցելեց Վերժին Շապճըի անհատական ցուցահանդէսի բացման հանդիսութեան: Նորին Ամենապատուութեան հետ էր գաւազանակիր Հոգշ. Տ. Գասպար Աբղ. Կարապետեան:

Սանուց Միութեան 79րդ շրջանի բացման առթիւ կազմակերպուած ցուցահանդէսը կը կրէ «Արեւմուտքէն դէպի արեւելք տպաւորութիւններս» խորագիրը:

Մեր Հոգեւոր Պետը ցուցահանդէսը շրջելէ ետք, ստորագրեց պատուոյ տոմարը, շնորհաւորեց արուեստագիտուհի Վերժին Շապճըն, Մխիթարեան Միաբանութեան հայրերը՝ Գերյ. Հ. Սարգիս Ծ. Վրդ. Էրմէնն ու Գերյ. Հ. Յակոբոս Ծ. Վրդ. Չօփուրեանը եւ Սանուց Միութեան վարիչները ու յաջողութիւն մաղթեց իրենց:

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad