Ն.Ա.Տ. Սահակ Բ. Պատրիարք Հայրը 15 Օգոստոս 2024, Հինգշաբթի երեկոյեան նախագահեց ժողովի մը, համայնքային վարժարաններու կրօնագիտութեան դասացուցակի եւ դասագիրքերու վերապատրաստման մասին:
Ժողովին մասնակիցներն էին համայնքային վարժարան ունեցող խնամակալութիւններու եւ թաղային խորհուրդներու ներկայացուցիչները, որոնք կը կազմեն Թրքահայ Վաքըֆներու Միութիւն (ԹՎՄ- ERVAB) կրթական յանձնաժողովը, ինչպէս նաեւ Պատրիարքական Աթոռէս՝ Արժ. Տ. Տրդատ Ա. Քհնյ. Ուզունեան եւ իր օգնականը՝ Նորա Շէնեան:
Նորին Ամենապատուութիւնը բարի գալուստ մաղթելէ ետք շեշտեց կրօնագիտութեան դասացուցակի եւ դասագիրքերու վերապատրաստման կարեւորութիւնը եւ ուրախութիւն յայտնեց, որ առիթ ստեղծուած է այս մասին եւ մենք մեր կարելին պէտք է ընենք, որպէսզի մեր համայնքային վարժարաններու սաներուն լաւագոյնս ուսուցանենք մեր հաւատքը:
Ապա ներկաներ կարծիքներ յայտնեցին եւ խորհրդակցութիւն կատարուեցաւ տուեալ կարեւոր նիւթի մասին:
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun