Գերշ. Տ. Գարեգին Արքեպս. Պէքճեան 15 Յուլիս 2024, Երկուշաբթի օդային ճամբով ժամանեց քաղաքս:
Տիւսէլտորֆի օդակայանին մէջ իրեն ողջերթ մաղթեցին Գերմանիոյ առաջնորդ Գերշ. Տ. Սերովբէ Եպս. Իսախանեան եւ Առաջնորդարանի պատասխանատուներ:
Նորին Սրբազնութիւնը Ստանպուլի օդակայանի մէջ դիմաւորուեցաւ Արժ. Տ. Մելքոն Քհնյ. Փնարճեանի կողմէ, որ յանուն Ն.Ա.Տ. Սահակ Բ. Պատրիարք Հօր բարի գալուստ մաղթեց Սրբազան հիւրին:
Պատրիարքական Աթոռոյս միաբաններէն եւ Գերմանիոյ նախկին առաջնորդ Գերշ. Տ. Գարեգին Արքեպս. հանգստեան կոչուած ըլլալով, փափաքած էր վերադառնալ իր ծննդավայրը: Սրբազան Հայրը հաստատուեցաւ Ս. Փրկիչ Ազգային Հիւանդանոցի երդիքին տակ՝ հանգստարանի բաժնին մէջ, իրեն տրամադրուած յարկաբաժնին մէջ:
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun