ԱՐԱ ՏԻՆՔՃԵԱՆ ՀԱՄԵՐԳՆԵՐ ԿԸ ՍԱՐՔԷ ՔԱՂԱՔԻՍ ՄԷՋ

Յայտնի երաժիշտ Արա Տինքճեան քաղաքս ժամանած է երկու անջատ ձեռնարկներու առիթով։ Առաջինը վաղուայ՝ 15 Մայիսի համերգն է, Ճէմալ Ռէշիտ Ռէյ համերգասրահին մէջ։ Այստեղ Արա Տինքճեան բեմը պիտի բաժնէ ճազի երգչուհի Շենայ Լամպաօղլուի հետ եւ սազով ճազ պիտի նուագէ։ Երկուքը միասին պիտի ներկայացնեն իրենց յօրինումները, նաեւ այլ յօրինողներու ստեղծագործութիւններ, որոնց կարգին է նաեւ Կոմիտաս Վարդապետը։

Գալով 17 եւ 18 Մայիսին, ըստ «Հրանդ Տինք» հիմնարկի տեղեկատուութեան, Արա Տինքճեան հանդէս պիտի գայ հիմնարկի կեդրոնատեղիի հաւաքասրահին մէջ, իսկ յաջորդ օր մասնակցութիւն պիտի բերէ «Արաս» հրատարակչատան «Զապէլ Եսայեան» կեդրոնին մէջ սարքուած ձեռնարկին։

https://www.normarmara.com/arsiv2024-1/140524lu.html