ՀՐԱՆԴ ՏԻՆՔ ՎԱՐԺԱՐԱՆԻ ՎԱՐԻՉՆԵՐՈՒ ԱՅՑԸ

Ն.Ա.Տ. Սահակ Բ. Պատրիարք Հայրը 21 Դեկտեմբեր 2023, Հինգշաբթի, ընդունեց Հրանդ Տինք Վարժարանի վարիչները, Արթօ եւ Դալար Հորոզօղլու ամոլը, Վարժարանի Տնօրէն Հերիքնազ Աւագեանը եւ Փոխ Տնօրէն Լուսինէ Յարութիւնեանը։ Հանդիպումին ներկայ էր նաեւ գաւազանակիր Արժ. Տ. Շիրվան Քհնյ. Միւրզեան։

Վարիչները յայտնեցին, որ այս այցելութեամբ եկած էին խնդրել Նորին Ամենապատուութեան հովանաւորութիւնն ու նախագահութիւնը Վարժարանի ի նպաստ մատաղօրհնութան հանդիսութեան, որ պիտի կատարուի 4 Փետրուար, Կիրակի առաւօտ, Ս. Աստուածածին Աթոռանիստ Մայր Տաճարի մէջ։

Պատրիարք Հայրը խոստացաւ ընդառաջել եղած հրաւէրին, նաեւ ստացաւ վարժարանի հետ առընչուած տեղեկութիւններ եւ իր գոհունակութիւնը յայտնեց արձանագրուած յաջողութեանց համար։ Ըրաւ հայրական թելադրութիւններ եւ կարողութիւն ու յաջողութիւն մաղթեց իրենց Հայաստանի Հանրապետութեան հայրենակից Ստանպուլաբնակ սաներու ուսման նուիրուած կրթանուէր գործունէութեան մէջ։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad