ԷՐՎԱՊԻ ԱՏԵՆԱՊԵՏՆ ՈՒ ԱՏԵՆԱԴՊԻՐԸ ԱՅՑԵԼԵՑԻՆ ՊԱՏՐԻԱՐՔ ՀՕՐ

Ն.Ա.Տ. Սահակ Բ. Պատրիարք Հայրը 24 Նոյեմբեր 2023, Ուրբաթ, ընդունեց Համայնքային Հաստատութեանց Վաքըֆներու Ատենապետներու Վարչութեան (ԷՐՎԱՊ) ատենապետ Պետրոս Շիրինօղլուն եւ ատենադպիր Լեւոն Քուզիքօղլուն։

Անոնք յայտնեցին, որ եկած էին մեր Հոգեւոր Պետին տեղեկութիւն տալու իրենց աշխատանքներուն ու ծրագիրներուն մասին եւ յատկապէս հրաւիրելու Նորին Ամենապատուութիւնը յառաջիկայ 11 Դեկտեմբերի ժողովին նախագահելու։

Պատրիարք Հայրը շնորհակալութիւն յայտնեց սոյն այցելութեան եւ տեղեկութեանց համար։ Նորին Ամենապատուութիւնը ընդառաջելով եղած հրաւէրին պիտի նախագահէ յառաջիկայ ժողովին, որ առիթ պիտի ընծայէ հաւաքական գետնի վրայ լսելու մեր համայնքային հաստատութեանց հարցերը եւ պարզելու Պատրիարքական Աթոռի վիճակը։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad