ՄՈՆՍ. ԱՆԹՈՒԱՆ ԸԼԿԸԹ ԱՅՑԵԼԵՑ ՊԱՏՐԻԱՐՔ ՀՕՐ

Ն.Ա.Տ. Սահակ Բ. Պատրիարք Հայրը 23 Հոկտեմբեր 2023, Երկուշաբթի, ընդունեց Մոնս. Անթուան Ըլկըթը, որ վերջերս Թուպերնուքա շրջանի տիտղոսաւոր եպիսկոպոսի հանգամանքով նշանակուած է Անատօլուի Պապական Նուիրակութեան օժանդակ եպիսկոպոսութեան պաշտօնին։

Մոնս. Ըլկըթ Նորին Ամենապատուութեան հաղորդեց որ յառաջիկայ 25 Նոյեմբերին պիտի կատարուի իր եպիսկոպոսական ձեռնադրութիւնը քաղաքիս Ս. Անթուան Լատին Եկեղեցւոյ մէջ, ձեռամբ Անատօլուի Պապական Նուիրակ Գերշ. Մոնս Փաօլօ Պիզէթթիյի։

Մոնս. Ըլկըթ ըսաւ, որ եկած էր Նորին Ամենապատուութիւնը հրաւիրելու սոյն հանդիսութեան եւ աղօթակցելու իրեն։

Մեր Հոգեւոր Պետը շնորհակալութիւն յայտնեց սոյն այցելութեան համար։ ։ Պատրիարք Հայրը ըսաւ, որ սոյն ձեռնադրութիւնը հոգեւոր ուրախութիւն առթած է եւ խոստացաւ ընդառաջել հրաւէրին եւ մասնակցիլ հոգեպարար հանդիսութեան։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad