Ն.Ա.Տ. Սահակ Բ. Պատրիարք Հայրը 17 Հոկտեմբեր 2023, Երեքշաբթի ընդունեց Ֆրանչիսկեան վարդապետներու խումբ մը, գլխաւորութեամբ ատենապետ՝ Հոգշ. Հ. Մաքութօ Վրդ.ի։
Աշխարհի զանազան կողմերէ հաւաքուած Ֆրանչիսկեան վարդապետներ որոշ ժամանակներու կ’այցելեն զանազան երկիրներ ու կը ծանօթանան նոյն տեղի քրիստոնեայ յարանուանութեանց հետ։ Նոյն ծրագիրով վարդապետներու խումբը եկած էր ծանօթանալու Հայոց Պատրիարքարան՝ ներկայանալու Նորին Ամենապատուութեան։
Մեր Հոգեւոր Պետը իր ուրախութիւնը յայտնեց այս այցելութեան համար եւ Հայ Եկեղեցւոյ, նուիրապետութեան ու Պատրիարքական Աթոռոյս մասին տեղեկութիւններ տուաւ հիւրերուն։ Ապա Պատրիարք Հայրը շեշտեց միջեկեղեցական յարաբերութեանց կարեւորութիւնը եւ բարի կեցութիւն մաղթեց քաղաքիս մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun