ՍԻՐՎԱՐԴ ՄԱԼԽԱՍԵԱՆ ԻՐ ԳԻՐՔԸ ՆՈՒԻՐԵՑ ՊԱՏՐԻԱՐՔ ՀՕՐ

Ն.Ա.Տ. Սահակ Բ. Պատրիարք Հայրը, 18 Օգոստոս 2023, Ուրբաթ, ժամը 16.00-ին, Պատրիարքարանի ամարանոցին մէջ ընդունեց Սիրվարդ Մալխասեանը, Գէորգ Մալխասեանը եւ Մասիս Մալխասեանը։ Հանդիպման ներկայ էր նաեւ Կղզեաց Հոգեւոր Հովիւ՝ Հոգշ. Տ. Յարութիւն Վրդ. Տամատեան։

Սիլվարդ Մալխասեան, որ վերջերս Արաս Հրատարակչատունէ լոյս ընծայած էր Աւետիք Պատրիարքի մասին գրի առնուած «Patrik Avedis’in Gizemli Yaşamı» գիրքը։ Ինք փափաքած էր գրքի շնորհանդէսի նախօրեակին անձամբ այցելել Պատրիարք Հայրը եւ գրքի մակագրեալ օրինակը նուիրել Մեր Հոգեւոր Պետին։ Հանդիպման ընթացքին, հեղինակ հիւրը իր ուսումնասիրութեան մասին տեղեկութիւններ փոխանցեց։ Հաճելի զրոյցի ընթացքին տեղեկութիւններ տրուեցաւ կատարելի շնորհանդէսի մասին, ինչպէս նաեւ գրական կեանքի հետ առընչուած նիւթերու մասին գաղափարի փոխանակում տեղի ունեցաւ։

Պատրիարք Հայրը շնորհակալութիւն յայտնեց քաղաքավարական այցելութեան համար եւ շնորհաւորեց գրքի հրատարակութիւնը։ Յայտնեց, թէ՝ այս գիրքը ներդրում պիտի բերէ որպէսզի Պոլսոյ Պատրիարքական Աթոռոյ պատմութեան մասին տեղեկութիւններ գտնեն ընթերցողներ։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad