Համահայկական խաղերու սեմին ԻՇԽԱՆ ԶԱՔԱՐԵԱՆ ԵՒ ՎՐԷԺ ՇԱՌՈՅԵԱՆ ԻՍԹԱՆՊՈՒԼ ԵԿԱՆ

Այո՛, երեք շաբաթ մնաց Համահայկական 8րդ խաղերու բացման։ Կը ճշդուին վերջին քայլերն ու մանրամասնութիւններ։ Այս գծով Համահայկական խաղերու համաշխարհային կոմիտէի նախագահ Իշխան Զաքարեան եւ անդամներէն Վրէժ Շառոյեան նախընթաց օր Իսթանպուլ եկան։ 

Անոնք կարծիքի փոխանակում ունեցան Թուրքիոյ յանձնախումբի Ատենապետ Հայկարամ Գարասուի եւ համաշխարհային կոմիտէի խորհրդատուներէն Տիգրան Ալթունի հետ, որ երկու երկիրներու միջեւ կամաւոր դեսպան-կամուրջի դերակատարութիւն ստանձնած է։

Հիւրերն ու Իսթանպուլի յանձնախումբի պատասխանատուները այցելեցին Ս. Փրկիչ Ազգ. Հիւանդանոցի Հոգաբարձութեան Ատենապետ Պետրոս Շիրինօղլուին, Գարակէօզեան որբանոցի Խնամակալութեան Ատենապետ Տիգրան Կիւլմէզկիլին եւ Կարպիս Ունանին։

Իշխան Զաքարեան եւ Վրէժ Շառոյեան այսօր կը վերադառնան Երեւան։

https://www.facebook.com/photo/?fbid=177792945280794&set=a.135021036224652