ԿԱԹՈՂԻԿԷ ՀԱՅՈՑ ՎԻՃԱԿԱՒՈՐ ԱՐՀԻ. Տ. ԼԵՒՈՆ ԱՐՔԵՊՍ.Ի ԱՅՑԸ

Ն.Ա.Տ. Սահակ Բ. Պատրիարք Հայրը, 20 Ապրիլ 2023, Հինգշաբթի, ժամը 16.00-ին, ընդունեց Թուրքիոյ Կաթողիկէ Հայոց Վիճակաւոր Արհի. Տ. Լեւոն Արքեպս. Զէքիեանը, ընկերակցութեամբ՝ Գերպ. Տ. Աբրահամ Ծ. Վրդ. Ֆրաթեանի։ Հանդիպման ներկայ եղաւ Պատրիարքական Փոխանորդ՝ Արժ. Տ. Գրիգոր Աւ. Քհնյ. Տամատեան։

Սիրալիր մթնոլորտին մէջ կայացած քաղաքավարական այցելութեան ընթացքին Գերապայծառ Տէրը Սուրբ Զատկի տօնին առթիւ յանուն Հայ Կաթողիկէ համայնքին շնորհաւորեց Նորին Ամենապատուութիւնը։

Երկու հոգեւոր պետեր նաեւ գաղափարի փոխանակումներ ունեցան առօրեայ խնդիրներու կապակցութեամբ եւ ի մասնաւորի Սուրբ Ներսէս Շնորհալի Հայրապետի վախճանման 850-ամեակին առթիւ մշակելի ծրագիրներու մասին։

Գերապայծառ Տէրը, այս առիթով ընծայուած հիւրասիրութեան համար շնորհակալութիւն յայտնեց մեր Հոգեւոր Պետին եւ բաժնուեցաւ Պատրիարքարանէն։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad