ՊԱՔԸՐԳԻՒՂԷՆ ՀՐԱՒԷՐԻ ԱՅՑ

Ն.Ա.Տ. Սահակ Բ. Պատրիարք Հայրը 17 Ապրիլ 2023, Երկուշաբթի, ընդունեց Պաքըրգիւղի Ծնունդ Ս. Աստուածածնի եկեղեցւոյ Թաղային Խորհուրդի ներկայացուցիչները, գլխաւորութեամբ ատենապետ Մարի Եանճըի։

Հիւրեր եկած էին Նորին Ամենապատուութիւնը հրաւիրելու Տատեան Վարժարանի հիմնարկութեան «175 ամեակի յուշամատեան»ին նուիրուած շնորհանդէսին, որ տեղի պիտի ունենայ յառաջիկայ 6 Մայիս, Շաբաթ երեկոյեան։

Մեր Հոգեւոր Պետը իր ուրախութիւնը յայտնեց նոր գիրքի հրատարակութեան առթիւ եւ յաջողութիւն մաղթեց իրենց կրթանուէր աշխատանքներուն առթիւ։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad