Ս. Յարութեան տաղաւարին առթիւ, Ն.Ա. Տ. Սահակ Բ. Պատրիարք Հայրը 11 Ապրիլ 2023, Երեքշաբթի, օրուան ընթացքին Պատրիարքարանի դահլիճին մէջ ընդունեց քոյր համայնքներու հոգեւոր առաջնորդներու շնորհաւորութիւնները։
Այցելութեան եկան Յունաց Ն.Ս.Տ.Տ. Բարթոլոմէոս Ծայրագոյն Պատրիարքի քաղաքէս բացակայութեան՝ Գերշ. Մաքսիմոս մետրոպոլիտն ու Փաիսիոս Եպս.ը, Լատին Կաթոլիկ համայնքի Պապական Փոխանորդ Մոնս. Մասսիմիլիանօ Ս. Եպիսկոպոսը, Ասորի համայնքի Պատրիարքական Փոխանորդ Մոր Ֆիլիւքսինոս Սրբազան Մետրոպոլիտը, Հայ Կաթողիկէ համայնքի վիճակաւոր Արհի. Տ. Լեւոն Արքեպս. Զէքիեանի փոխանորդաբար Գեր. Հ. Վարդան Ծ. Վրդ. Գազանճեան, Ասորի Կաթոլիկ Եկեղեցիէն Պատրիարքական Փոխանորդ Մոնս. Օրհան Քհնյ. Չանլըն, Աւետարանական Եկեղեցիներու ներկայացուցիչները։
Բոլոր այցելուները, Սրբազան Պատրիարք Հօր անձին մէջ շնորհաւորեցին Հայ Համայնքի Ս. Յարութեան Տաղաւարը ու իրենց բարեմաղթութիւնները յղեցին։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun