Ն.Ա.Տ. Սահակ Բ. Պատրիարք Հայրը 5 Ապրիլ 2023, Աւագ Չորեքշաբթի, յետ միջօրէին ընդունեց Մայր Աթոռ Ս. Էջմիածնի երկու միաբաններ՝ Հոգշ. Տ. Ներսեհ Վրդ. Խալաթեանի եւ Հոգշ. Տ. Մինաս Աբղ. Հախվէրտեանի այցելութիւնը։
Նորին Ամենապատուութեան հրաւէրով եւ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի օրհնութեամբ, Աւագ Շաբթուան եւ Ս. Զատկի առթիւ մեր եկեղեցիներու մէջի տօնախմբութեանց մասնակցելու համար երկու հոգեւոր հայրեր ժամանեցին քաղաքս եւ դիմաւորուեցան Հոգշ. Տ. Յովակիմ Աբղ. Սերովբեանի կողմէ։
Մեր Հոգեւոր Պետը ուրախութիւնը յայտնեց հայր սուրբերուն այցելութեան առթիւ եւ բարի գալուստ ու բարի կեցութիւն մաղթեց իրենց։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun