ՄՈՒՐԱՏ ԳԱԶԱՆՃԸ ՆՈՒԻՐԵՑ ԻՐ ԳԻՐՔԸ

Ն.Ա.Տ. Սահակ Բ. Պատրիարք Հայրը 28 Մարտ 2023, Երեքշաբթի, ընդունեց Մուրատ Գազանճըի այցը։

Գազանճը, Սեբաստիոյ Զարա գաւառակէն ըլլալով, ունեւորութեան տուրքի օրերու իր յիշատակները գրի առած ու ամփոփած է «Bizim Zara» (Մեր Զարան) անուն հատորին մէջ, որ լոյս տեսաւ Լա հրատարակչութենէն։

Հեղինակը հայրենաբաղձական զգացումներով գրի առնուած հատորէն օրինակ մը նուիրեց Նորին Ամենապատուութեան։

Մեր Հոգեւոր Պետը գնահատելով Անատոլուի զանազան վայրերու մասին գրի առնուած նման հատորներու կարեւորութիւնը, շնորհաւորեց հեղինակ Մուրատ Գազանճըն եւ նորանոր յաջողութիւններ մաղթեց իրեն։

Հանդիպումին ներկայ էր նաեւ Շահնուր Գազանճը։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad