Ն.Ա.Տ. Սահակ Բ. Պատրիարք Հայրը 24 Փետրուար 2023, Ուրբաթ, յետմիջօրէին, ընդունեց Սուրբ Գրոց Ընկերութեան Ծոցի Երկիրներու Ընդհանուր Քարտուղար Հրայր Ճէպէճեանի այցելութիւնը։ Իրեն կ’ընկերանար Թուրքիոյ Սուրբ Գրոց Ընկերութեան Տնօրէն Թամար Քարասու։ Այցելութեան ներկայ էր Պատրիարքական Աթոռոյս Դիւանադպիր Հոգշ. Տ. Յովակիմ Աբղյ. Սերովբեան։
Յարգելի հիւրը յայտնեց, որ քաղաքս կը գտնուէր Սուրբ Գրոց Ընկերութեան Միջին Արեւելեան երկիրներու ժողովի մը մասնակցելու համար, եկած էր սոյն այցելութեամբ Նորին Ամենապատուութեան օրհնութիւնը ստանալու։ Ան նախ ցաւակցութիւն յայտնեց պատահած երկրաշարժի պատճառաւ մեր ժողովուրդի կրած ցաւերուն համար եւ Աստուածային օգնութիւն մաղթեց մեր Հոգեւոր Պետին ու անոր անձին մէջ մեր համայնքին։
Մեր Հոգեւոր Պետը եւս իր ուրախութիւնը սոյն այցելութեան համար եւ բացատրութիւններ տուաւ աղէտի հետեւանքով համայնքի կրած վնասներուն ու ցաւերուն մասին։
Հիւրասիրութեան ընթացքին խորհրդակցութիւն կատարուեցաւ Սուրբ Գրոց Ընկերութեան եւ Պատրիարքական Աթոռոյս գործունէութեանց մասին, որու աւարտին Նորին Ամենապատուութիւնը կարողութիւն մաղթեց յարգելի հիւրին՝ իր ծառայութեան մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun