Ն.Ա.Տ. Սահակ Բ. Սրբազան Պատրիարք Հայրը, 20 Փետրուար 2023, Երկուշաբթի, ընդունեց Տիյարպաքըրի (Տիգրանակերտ) Ս. Կիրակոս Եկեղեցւոյ նորընտիր Թաղային Խորհուրդի անդամները, առաջնորդութեամբ ատենապետ Էրկիւն Վարդգէս Այըքի։ Ընդունելութեան ներկայ եղան Պատրիարքական Փոխանորդ Արժ. Տ. Գրիգոր Աւ. Քհնյ. Տամատեան եւ Արժ. Տ. Շիրվան Քհնյ. Միւրզեան։
Նորին Ամենապատուութիւնը ողջունեց այցելուներու ներկայութիւնն ու անգամ մը եւս շնորհաւորեց իրենց ընտրութիւնը։
Այցելուներ շնորհակալութիւն յայտնեցին ընդունելութեան համար եւ ուրախութեամբ յայտնեցին նաեւ, որ ընտրութենէն ետք ստացած են իրենց պետական վաւերացումը։
Անոնք յետ վաւերացման իրենց անդրանիկ պաշտօնական այցելութեամբ եկած էին Նորին Ամենապատուութեան աղօթքն ու օրհնութիւնը ստանալու։
Ընդունելութեան աւարտին Նորին Ամենապատուութիւնը իր հայրական օրհնութիւնը տուաւ Ծխական Խորհուրդին, յաջողութիւն մաղթեց իրենց եկեղեցանուէր գործունէութեանց մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun