Ն.Ա.Տ. Սահակ Բ. Պատրիարք Հայրը, առիթ համարելով իր Ս. Երուսաղէմ կեցութիւնը, 19 Յունուար 2023, Հինգշաբթի, ժամը 16.00-ին, պաշտօնական այցելութիւն մը տուաւ քաղաքի Թուրքիոյ Աւագ Հիւպատոս Ահմէտ Ռըզա Տէմիրէրի։
Ընդունելութիւնը տեղի ունեցաւ Աւագ Հիւպատոսի բնակարանին մէջ, ուր ներկայ էին Պատրիարքական Փոխանորդ Արժ. Տ. Գրիգոր Աւ. Քհնյ. Տամատեան, գաւազանակիր Արժ. Տ. Շիրվան Քհնյ. Միւրզեան, ինչպէս նաեւ Աւագ Հիւպատոսի օգնական Էմրէ Եըլմազ։
Աւագ Հիւպատոս Տէմիրէր ուրախութիւնը յայտնեց սոյն այցելութեան համար եւ բարի գալուստ մաղթեց Ամենապատիւ Հիւրին։
Մեր Հոգեւոր Պետը նախ շնորհակալութիւն յայտնեց հիւրասիրութեան համար եւ ըսաւ թէ, ինչպէս ծանօթ է, թէ՛ անդրանիկ պաշտօնական այցելութեան եւ թէ Հին Տոմարով Հայոց Ս. Ծննդեան հանդիսութեանց մասնակցելու համար կը գտնուէր Ս. Երուսաղէմ եւ այս առթիւ կ’այցելէր Թուրքիոյ Աւագ Հիւպատոսին։
Ջերմ ընդունելութեան ընթացքին Նորին Ամենապատուութիւնը ստորագրեց Աւագ Հիւպատոսարանի պատուոյ տոմարը եւ ի յիշատակ այս այցելութեան, մեծայարգ Աւագ Հիւպատոսին նուիրեց Անի քաղաքի սրբանկարներու մասին Վէտաթ Աքչայէօզի պատրաստած եւ Հայճարի հրատարակած նորատիպ հատորը։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun