ՊԱՏՐԻԱՐՔ ՀԱՅՐԸ ԸՆԴՈՒՆԵՑ ՔԱՂԱՔԱԿԱՆ ԳՈՐԾԻՉՆԵՐՈՒ ՏՕՆԱԿԱՆ ՇՆՈՐՀԱՒՈՐՈՒԹԻՒՆՆԵՐԸ

Ն.Ա.Տ. Սահակ Բ. Պատրիարք Հայրը, 10 Յունուար 2023, Երեքշաբթի, շարունակեց ընդունիլ տօնական շնորհաւորութիւնները։ Քաղաքական գործիչներ փութացին Պատրիարքարան եւ շնորհաւորեցին Ս. Ծննդեան տաղաւարը։

Պատրիարք Սրբազան Հայրը օրուան տեւողութեան ընթացքին Պատրիարքարանի դահլիճին մէջ ընդունեց քաղաքապետներ եւ քաղաքական գործիչներ։ Այնուհետեւ իրենց պատուիրակութեամբ Պատրիարքարան փութացին՝ Շիշլիի Քաղաքապետ Մուամմէր Քէսքին, Կղզեաց Քաղաքապետ Էրտէմ Կիւլ, Պէյօղլու Քաղաքապետ Հայտար Ալի Եըլտըզ, Պէշիկթաշի Քաղաքապետութենէն Ալի Ռըզա Եըլմազ եւ ընկերակիցները, զանազան քաղաքապետութիւններու ներկայացուցիչ պատուիրակութիւններ, ՀՏՓ եւ Տէմօքրաթ կուսակցութիւններու ներկայացուցիչներ, Ստանպուլի Մայր Քաղաքապետութեան Հաւատքներու Սեղան բաժանմունքի պատասխանատուներ՝ Վէտաթ Քարա եւ Նիլիւֆէր Թաշքըն։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad