ՊԱՏՐԻԱՐՔ ՀԱՅՐԸ ԸՆԴՈՒՆԵՑ ՔՈՅՐ ԵԿԵՂԵՑԻՆԵՐՈՒ ՆԵՐԿԱՅԱՑՈՒՑԻՉՆԵՐԸ

Ն.Ա.Տ. Սահակ Բ. Պատրիարք Հայրը, 9 Յունուար 2023, Երկուշաբթի, ընդունեց քոյր եկեղեցիներու բարձրաստիճան հոգեւոր առաջնորդներու Ս. Ծննդեան տաղաւարի առթիւ շնորհաւորական այցելութիւնները։

Մեր Հոգեւոր Պետը, իր մօտն ունենալով հոգեւոր հայրերը, օրուան տեւողութեան ընթացքին Պատրիարքարանի դահլիճին մէջ հիւրընկալեց Յունաց Ն.Ս.Տ.Տ. Բարթոլոմէոս Ծայրագոյն Պատրիարքը, ընկերակցութեամբ Գերշ. Տ. Փաիսիոս Եպս.ի, Ասորի համայնքի Պատրիարքական Փոխանորդ Գերշ. Մոր Ֆիլիւքսինոս Չէթին Մետրրոպոլիտը, Քաղդէացի Կաթոլիկ համայնքի Պատրիարքական Փոխանորդ Մոնս. Ռամզի Կարմօ Եպիսկոպոսի ներկայացուցիչ Հ. Րէմզի Տիրիլ վարդապետը, Լատին Կաթոլիկ համայնքի Պապական Փոխանորդ Մոնս. Մասսիմիլիանօ Փալինուրօ Եպիսկոպոսը, Ասորի Կաթոլիկ Եկեղեցւոյ Պատրիարքական Փոխանորդ Մոնս. Օրհան Քորեպս. Չանլըն, Հայ Աւետարանական Եկեղեցւոյ հովիւ Վերապատուելի Գրիգոր Աղապալօղլու, Թուրքիոյ Բողոքական Եկեղեցիներու Միութեան պատուիրակութիւնը՝ գլխաւորութեամբ նախագահ Ալի Քալքանտէլէնի։

Հիւր բարձրաստիճան հոգեւորականներ այցելեցին Պատրիարք Սրբազան Հայրը եւ հոգեւոր ուրախութեամբ շնորհաւորեցին Նորին Ամենապատուութեան անձին մէջ Հայ Եկեղեցւոյ Ս. Ծննդեան տօնը։

Ընդունելութեանց ներկայ գտնուեցան Գերշ. Տ. Արամ Արքեպս. Աթէշեան, Հոգշ. Տ. Յովակիմ Աբղյ. Սերովբեան, Արժ. Տ.Տ. Գրիգոր Տամատեան եւ Տրդատ Ուզունեան Աւագ քահանայ հայրերը, Տ. Շիրվան Քհնյ. Միւրզեան։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad