Շիշլի մարզակումբի վարչութիւնը նախընթաց օր հանդիպում մը ունեցաւ համայնքային կարգ մը վարժարաններու տնօրէններուն եւ մարզանքի ուսուցիչներուն հետ։ Վարչութիւնը ներկայիս կը նախատեսէ նոր նախաձեռնութիւններով հանդէս գալ՝ երիտասարդ մարզիկներ հասցնելու ճանապարհին։ Դպրոցներու տնօրէններու եւ մարզանքի ուսուցիչներուն հետ կազմակերպուած հանդիպումն ալ մաս կազմեց այս շրջանակին։ Շիշլիի վարչայինները կը նախատեսեն յառաջիկային շարունակել այս ձեւաչափով տեսակցութիւնները։ Անոնք մշակած են ծրագիր մը, որուն մաս կը կազմէ զանազան մարզաձեւերու համար երիտասարդներու ուղղեալ մրցաշարքերու կազմակերպումը։
İlk yorum yapan siz olun