ԼՈՆՏՈՆԻ ՄԷՋ ՅՈԲԵԼԵԱՆ

Յոյն Ուղղափառ Եկեղեցւոյ Անգլիոյ թեմի հաստատման 100-ամեայ յոբելեանը երէկ հանդիսաւորապէս նշուեցաւ Լոնտոնի մէջ։ Այս առթիւ, Լոնտոնի Ս. Սոֆի յոյն ուղղափառ մայր տաճարին մէջ գոհաբանական Ս. Պատարագ մատոյց Տ.Տ. Պարթոլոմէոս Ա. Տիեզերական Պատրիարքը։ Արարողութեան մասնակցեցան նաեւ միջկրօնական եւ միջեկեղեցական ներկայացուցիչներ, որոնց շարքին էր Հայց. Արաքելական Եկեղեցւոյ Անգլիոյ թեմի առաջնորդ Տ. Յովակիմ Եպսկ. Մանուկեան՝ ընկերակցութեամբ Տ. Շնորհք Վրդ. Պաղտասարեանի։ Յաւարտ Ս. Պատարագի Լոնտոնի Հելլէնական կեդրոնին մէջ սարքուեցաւ ճաշկերոյթ մը, որուն եւս մասնակցեցան միջեկեղեցական հիւրերը։ Այս փուլին Տ. Յովակիմ Եպսկ. Մանուկեան շնորհաւորեց Նորին Սրբութիւնը, որու փոխանցեց Ամենայն Հայոց Տ.Տ. Գարեգին Բ. Կաթողիկոսին ողջոյնները։

http://www.jamanak.com/content/եկեղեցական/24-10-2022-լոնտոնի-մէջ-յոբելեան