Շիշլի մարզակումբի վարչութեան նախաձեռնութեամբ կազմակերպուած, պասքեթպոլի առասպելներէն Կարօ Գալէնտէրի յիշատակին ձօնուած մրցաշարքը Գնալը կղզիի մէջ հասաւ իր աւարտին։ Շատ խանդավառ մթնոլորտի մը մէջ անցաւ եզրափակիչ փուլը, որուն մասնակցութիւն բերին նաեւ ակումբի նախկին պասքեթպոլի աստղերը։ Աւարտականին ներկայ էր նաեւ Կարօ Գալէնտէրի այրին՝ յայտնի խմբավար Ովսաննա Գալէնտէր, որ այս երախտագիտութեան դրսեւորման համար շնորհակալութիւն յայտնեց ակումբի վարչութեան ատենապետ Ալէն Թեքպըչաքին եւ գործակից ընկերներուն։
Շիշլիցիները այս ամառ կազմակերպած են նաեւ վոլէյպոլի մրցաշարք մը՝ ի յիշատակ ակումբի նախկին ատենապետներէն Ղազարոս Ունանի։
İlk yorum yapan siz olun