ՎԻԵՆՆԱՅԻ ԿՈՒՍԱԿԱԼԻ ԱՅՑԸ 

Ն.Ա.Տ. Սահակ Բ. Պատրիարք Հայրը, 10 Յունիս 2022, Ուրբաթ, ընդունեց Վիեննայի Կուսակալ ու Քաղաքապետ Տքթ. Մայքըլ Լուտվիկի այցելութիւնը։ Հանդիպումին ներկայ եղան Վիեննայի Քաղաքապետական Խորհուրդէն Ասլըհան Պօզաթեմուր, Արեւմտեան Եւրոպայի Հայրապետական Պատուիրակ ու Վատիկանի մօտ Հայ Եկեղեցւոյ ներկայացուցիչ Գերշ. Տ. Խաժակ Արքեպս. Պարսամեան եւ Աքփարթիի Կեդրոնական Որոշումներու Խորհուրդի անդամ Տքթ. Սեւան Սվաճըօղլու։ 

Մեծայարգ այցելուները յայտնեցին, որ առիթ համարելով իրենց քաղաքս այցելութիւնը, եկած էին ծանօթանալու Թուրքիոյ Հայ համայնքի հոգեւոր կեդրոնին՝ Պատրիարքարանին եւ հոգեւոր պետին՝ Նորին Ամենապատուութեան։

Մեր Հոգեւոր Պետը ինչ ինչ տեղեկութիւններ փոխանցեց Ստանպուլահայ համայնքի, Հայ Եկեղեցւոյ ու Պատրիարքական Աթոռոյ մասին։

Հիւրեր մեր Հոգեւոր Պետին գիրքեր նուիրեցին, իսկ Նորին Ամենապատուութիւնը փոխադարձեց Կարօ Քիւրքմանի Հայ նկարիչներու երկհատոր աշխատասիրութիւնը։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad