Արեւմտեան Եւրոպայի Հայրապետական Պատուիրակ եւ Վատիկանի մօտ Հայ Առաքելական Եկեղեցւոյ ներկայացուցիչ՝ Գերշ. Տ. Խաժակ Ս. Արքեպս. Պարսամեան 7 Յունիս 2022, Երեքշաբթի, օդային ճամբով հասաւ Ստանպուլ եւ Ստանպուլի Օդակայանի պատուոյ սրահին մէջ դիմաւորուեցաւ Պատրիարքական Փոխանորդ Արժ. Տ. Գրիգոր Աւ. Քահանայ Տամատեանի կողմէ։ Սրբազան Հայրը այսօր տեսակցութիւն ունեցաւ Ն.Ա.Տ. Սահակ Բ. Պատրիարքի հետ։
Սրբազան Հայրը ներկայ պիտի գտնուի Սեւ Ծովեան Տնտեսական Համագործակցութեան Հայաստանի Հանրապետութեան ներկայացուցչութեան հիմնադրման 20-ամեակին առթիւ Ճէմալ Րէշիտ Րէյ համերգասրահի մէջ սարքելի Կոմիտասի Անուան Ազգային Քառեակի երաժշտութեան համերգին։
Բաց աստի, Նորին Ամենապատուութիւնը եւ Գերշ. Տ. Խաժակ Ս. Արքեպս. Անգարայի մէջ վաղը հանդիպում պիտի ունենան Արտաքին Գործոց Նախարար Մեվլիւտ Չավուշօղլուի հետ։
Գերշ. Տ. Խաժակ Ս. Արքեպիսկոպոս, Ուրբաթ հրաժեշտ կ՚առնէ քաղաքէս։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun