Ն.Ա.Տ. Սահակ Բ. Պատրիարք Հայրը, 7 Յունիս 2022, Երեքշաբթի, ընդունեց Երուսաղէմի Քրիստոնեայ Տաճարական Ասպետներու ներկայացուցիչ խումբի մը այցելութիւնը, գլխաւորութեամբ Պօղոս Չոլաքեանի։ Հանդիպումին ներկայ եղաւ Պատրիարքական Փոխանորդ Արժ. Տ. Գրիգոր Աւ. Քհնյ. Տամատեան։
Մեծայարգ այցելուները յայտնեցին, որ առիթ համարելով իրենց քաղաքս այցելութիւնը, եկած էին ծանօթանալու Թուրքիոյ Հայ համայնքի հոգեւոր կեդրոնին՝ Պատրիարքարանին եւ Նորին Ամենապատուութեան։
Մեր Հոգեւոր Պետը ինչ ինչ տեղեկութիւններ փոխանցեց Ստանպուլահայ համայնքի, Հայ Եկեղեցւոյ ու Պատրիարքական Աթոռոյ մասին։
Հիւրեր մեր Հոգեւոր Պետին նուիրեցին սրբանկար մը, իսկ Նորին Ամենապատուութիւնը փոխադարձեց Կարօ Քիւրքմանի Հայ նկարիչներու երկհատոր աշխատասիրութիւնը։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRHayBad
İlk yorum yapan siz olun