Ն.Ա.Տ. Սահակ Բ. Պատրիարք Հայրը, 21 Փետրուար 2022, Երկուշաբթի, ընդունեց Գարթալի Խնդրակատար Սուրբ Նշան Եկեղեցւոյ հովիւ՝ Արժ. Տ. Գրիգոր Աւագ Քհնյ. Տամատեանի առաջնորդութեամբ Եկեղեցւոյ Թաղային Խորհուրդի Ատենապետ՝ Արթին Չանքարը եւ անդամներէն Արետ Չաքըճըն։
Այցելուները Նորին Ամենապատուութեան «անցեալ ըլլայ» ըսին եւ տեղեկութիւններ տուին թաղային խորհուրդի աշխատանքներուն մասին, ի մասնաւորի ընկերային օժանդակութեան ոլորտէն ներս։ Նաեւ Ամեն. Ս. Պատրիարք Հայրը հրաւիրեցին եկեղեցւոյ մէջ կատարելի արեւագալի արարողութեան։
Ամեն. Սրբազան Պատրիարք Հայրը իր գոհունակութիւնը յայտնեց անոր համար, որ սիրայօժար ծառայութեամբ կը ջանային մեր այս հեռաւոր թաղի եկեղեցւոյ կանթեղը վառ պահել եւ յաջողութիւն մաղթեց իրենց։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate
İlk yorum yapan siz olun