ՔՈՒԷՅԹԻ ԵՒ ՇՐՋԱԿԱՅԻՑ ՀԱՅՈՑ ԹԵՄԻ ԿԱԹՈՂԻԿՈՍԱԿԱՆ ՓՈԽԱՆՈՐԴԸ ԺԱՄԱՆԵՑ ՊԱՀՐԷՅՆ

Հինգշաբթի, 27 Յունուար 2022-ի կէսօրին Քուէյթի եւ Շրջակայից Հայոց Թեմի Կաթողիկոսական Փոխանորդ Գերպ. Տ. Պետրոս Ծ. Վրդ. Մանուէլեան ժամանեց Պահրէյն: Հայր Սուրբին Պահրէյն այցելութեան ընթացքին Քուէյթէն կ’ընկերակցին Ազգային Վարչութեան անդամ Պր. Յարութ Զաքարեանը եւ Սբ. Վարդանանց եկեղեցւոյ Թաղականութեան ատենապետ Պր. Կարօ Տէկիրմէնճեանը:

Պահրէյնի միջազգային օդակայանին մէջ Գերպ. Հայր Պետրոս դիմաւորուեցաւ տեղւոյն ազգայիններէն՝ Պր. Ռաֆֆի Թադոյեանի եւ Պր. Արա Սիմոնեանի կողմէ:

Յայտնենք, որ Թեմիս Կաթողիկոսական Փոխանորդ Հայր Սուրբին Պահրէյն այցելութեան տեւողութիւնը երկու օր է, որուն ընթացքին ան հանդիպումներ պիտի ունենայ տարբեեր եկեղեցիներու ներկայացուցիչներու հետ, իսկ վաղը՝ Ուրբաթ, 28 Յունուար 2022-ին Սուրբ Ծննդեան տօնին առիթով Պահրէյնի “The Westin City Centre Bahrain” հիւրանոցէն ներս տեղի պիտի ունենայ աղօթք եւ ճաշկերոյթ՝ Պահրէյնի, Ալ Խուպարի եւ Տամմամի հայութեան համար:

Աղբիւր։ Armenian Prelacy of Kuwait and the Neighbouring Countries