ԼՈՒՍԱՆԿԱՐԻՉ ՉԷԹԻՆՊՈՍԹԱՆՕՂԼՈՒԻ ԱՅՑԸ

Ն.Ա.Տ. Սահակ Բ. Պատրիարք Հայրը 23 Դեկտեմբեր 2021, Հինգշաբթի, Պատրիարքարանի պաշտօնարանին մէջ ընդունեց լուսանկարիչ Այտըն Չէթինպոսթանօղլուն։ Հանդիպումին ներկայ եղաւ Պատկ. Կրօն. Ժողովի Ատենապետ Արժ. Տ. Զաւէն Քհնյ. Պչաքճեան։

Ջերմ ընդունելութեան ընթացքին Չէթինպոսթանօղլու Նորին Ամենապատուութեան խօսեցաւ իր աշխատանքներուն ու ծրագիրներուն մասին։

Մեր Հոգեւոր Պետը բարձր գնահատեց հիւր արուեստագէտին աշխատանքներն ու արձանագրած յաջողութիւնները։ Չէթինպոսթանօղլուն յայտնեց որ իր յաջորդ աշխատանքներէն մին կը ծրագրէ կատարել Հայ համայնքի առօրեայ ու հոգեւոր կեանքին մասին։

Նորին Ամենապատուութիւնը յայտնեց, որ կը գնահատէ նման աշխատանքները եւ յաջողութիւն մաղթեց։

Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate