Ն.Ա.Տ. Սահակ Բ. Պատրիարք Հայրը, 6 Դեկտեմբեր 2021, Երկուշաբթի, Պատրիարքարանի մէջ ընդունեց Կէտիկփաշայի Հայ Աւետարանական Եկեղեցւոյ մէջ գործող Հրանդ Տինք անուան դպրոցի գլխաւոր բարերարներ՝ Արթօ եւ Դալար Հորոզօղլու ամոլը եւ պատասխանատու Արեքնազ Աւագեանը։
Անոնք տեղեկութիւններ փոխանցեցին վարժարանի մասին եւ յայտնեցին թէ Պատրիարք Սրբազան Հօր հովանաւորութեամբ ու օրհնութեամբ կը փափաքէին վարժարանի ի նպաստ մատաղօրհնութիւն մը կազմակերպել։ Այցելուներ, այս առթիւ Պատրիարք Հայրը հրաւիրեցին նախագահելու կատարելի արարողութեանց։ Բաց աստի անոնց համավարակի շրջանին իրենց կատարած գործունէութեանց մասին եւ դէմ հանդիման մնացած հարցերուն մասին տեղեկութիւններ փոխանցեցին մեր Հոգեւոր Պետին։
Պատրիարք Հայրը, հայրական թելադրութիւններ ըրաւ ներկաներուն եւ կրթական առաքելութեան կարեւորութիւնը շեշտեց։ Այլապէս մանուկներու դաստիարակութեան համար կատարուած բոլոր աշխատութիւնները սուրբ ծառայութիւն էին եւ այս առումով գնահատեց ներկաներու աշխատութիւնը։ Այլ նաեւ յայտնեց, թէ՝ այս շրջանը փորձութեան շրջան մըն է եւ նեղութեանց դէմ պէտք է դիմակալել՝ խորհրդակցելով ու միասնական ոգիով աշխատելով։ Յայտնեց, թէ՝ համայնաքի անդամները պէտք է ամուր մնան իրենց ծառայասիրական կամքին մէջ։ Հանդիպման աւարտին, այցելուներուն յաջողութիւն մաղթեց իրենց գործունէութեանց մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate
İlk yorum yapan siz olun