Սիրելի հետեւորդներ,
Nayiriboard (կամ «Նայիրի-Ստեղն») հայերէն ստեղնաշար-ուղղագրիչը արդէն հասանելի է Android համակարգին համար։
Nayiriboard-ի միջոցաւ կրնաք որևէ Android app-ի մէջ հայերէն գրել և միաժամանակ ստուգել ձեր գրուածքին ուղղագրութիւնը … ըլլայ այդ Facebook-ի կարգավիճակ մը, Messenger-ով պատգամ մը, կամ Google-ի որոնում մը։
Ուղղագրիչը կ՚ընդգրկէ թէ՛ արեւմտահայերէնի և թէ արեւելահայերէնի ձեւաբանական կանոնները, ունի ընդարձակ բառապաշար՝ բաղկացած ըլլալով աւելի քան 150,000 բառոյթէ (lexeme) և հինգ միլիոն բառաձեւէ (word form)։
Ստեղնաշարը ինքնաբերաբար կ՚առաջարկէ 900-է աւելի պատկերագիր («emoji»)՝ համապատասխան բառեր տպելու պարագային (օրինակի համար՝ «սիրտ», «ժպիտ», «խենդ», «ձմերուկ», «արեւոտ» և այլն)։
Առաջին այս թողարկումը կը բանի հայերէնի աւանդական (դասական) ուղղագրութիւնով և ունի արեւմտահայերէնի համապատասխան ստեղնաշար։ Յառաջիկային մտադիր ենք աւելցնել «արդի» ուղղագրութիւն ընտրելու կարելիութիւն (որ լայն գործածութիւն պէտք է գտնէ Հայաստանի Հանրապետութեան մէջ), ինչպէս նաեւ յաւելեալ երեք ստեղնաշարեր (անոնք են՝ արեւելահայերէն, հնչիւնային և գրամեքենայ)։
Nayiriboard-ը կրնաք անվճար ներբեռնել Google Play Store-ի միջոցաւ՝ հետեւեալ յղումը սեղմելով －
https://play.google.com/store/apps/details…
Շնորհակալ ենք «Գալուստ Կիւլպէնկեան» Հիմնարկութեան՝ այս աշխատանքը հովանաւորելու համար։
#Ստեղնաշար #Ուղղագրիչ #Հայերէն #Արեւմտահայերէն #Արեւելահայերէն
Աղբիւր։ Նայիրի / Nayiri.com https://www.facebook.com/NayiriCom
İlk yorum yapan siz olun