Ն.Ա.Տ. Սահակ Բ. Պատրիարք Հայրը, 13 Նոյեմբեր 2021, երեկոյեան, հրաւէրով Ստանպուլի, Անգարայի եւ Իզմիրի Ասորւոց Առաջնորդ եւ Պատրիարքական Փոխանորդ Մոր Ֆիլիւքսինոս Եուսուֆ Չէթին Մետրոպոլիտի այցելեց Եշիլգիւղի Ասորւոց նորակառոյց եկեղեցին։ Պատրիարք Հօր կ՚ընկերանար Արժ. Տ. Շիրվան Քհնյ. Միւրզեանի։ Այստեղ, Սրբազան Մետրոպոլիտը բարի գալուստ մաղթեց Մեր Հոգեւոր Պետին եւ շրջապտոյտ տեղի ունեցաւ։ Այս առիթով բացատրութիւններ տրուեցաւ եկեղեցւոյ շինարարական աշխատութեան ընթացքի մասին։ Եկեղեցին իր մեծ կառուցուածքով եզակի տեսարան մը կը պարզէր եւ աշխատութիւնները բաւական յառաջացած էին։ Այս առթիւ Պատրիարք Հայրը ի տես տարուած աշխատութեանց իր ուրախութիւնը յայտնեց եւ իր բարեմաղթութիւնները փոխանցեց Սրբազան Մետրոպոլիտին ու վարչայիններուն։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate
İlk yorum yapan siz olun