Ն.Ա.Տ. Սահակ Բ. Պատրիարք Հայրը, 5 Նոյեմբեր 2021, Ուրբաթ, երեկոյեան, ընկերակցութեամբ՝ Արժ. Տ. Շիրվան Քհնյ. Միւրզեանի, Ֆլօրիա Աքուա Առեւտրական Կեդրոնը այցելեց եւ մէկտեղուեցաւ բազմաթիւ Հայ երիտասարդներու հետ, որոնք պօվլինկի մրցոյթի կը մասնակցէին։
Մեր Հոգեւոր Պետը, այս առթիւ իր պատգամը ուղղեց ներկայ աւելի քան 150 երիտասարդներուն եւ ուրախութիւնը յայտնեց, թէ՝ համավարակի շրջանէն յետոյ երիտասարդներ այս առիթը օգտագործելով ի մի համախմբուած էին։ Պատրիարք Հայրը անդրադարձաւ երիտասարդներու համար նման առիթներ ստեղծելու կարեւորութեան, քանի հայ երիտասարդներ իրարու հետ ծանօթանալու, զուարճանալու, զրուցելու կարիքն ունէին։ Նորին Ամենապատուութիւնը, այս առիթով գնահատեց մրցոյթի կազմակերպիչները եւ երիտասարդները առաջին հերթին հրաւիրեց նաեւ Պատրիարքարան։ Մեր Հոգեւոր Պետը մաղթեց միասնականութիւն եւ երջանկութիւն մերազն ժողովուրդի զաւակներուն։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate
İlk yorum yapan siz olun