Ն.Ա.Տ. Սահակ Բ. Պատրիարք Հայրը 27 Սեպտեմբեր 2021, Երկուշաբթի շնորհաւորական հետեւեալպատգամը ուղարկեց Հայ Կաթողիկէ Եկեղեցւոյ նորընտիր Կաթողիկոս Պատրիարք ՆորինԳերերջանկութիւն Ռաֆայէլ Պետրոս ԻԱ.ի։
«Գերերջանիկ Տէր,
Ուրախութեամբ տեղեկացանք թէ, Հայ Կաթողիկէ Եկեղեցւոյ Սիւնհոդոսը Ձեզ ընտրած է յԱթոռԿաթողիկոս Պատրիարքութեան Հայ Կաթողիկէ Եկեղեցւոյ։
Հայ Կաթողիկէ հոգեւորականներուն եւ հաւատացեալ ժողովուրդին մխիթարութիւն է ՁերդԳերերջանկութեան ընտրութեամբ, Կաթողիկոս Պատրիարքութեան Աթոռէն սգոյ քօղին վերացումը։
Ներկայ ժամանակներուն ականատեսները կ՚ըլլանք աշխարհի տարածքին պատահած եւընկերութեան առօրեայի խաղաղ ընթացքը խանգարող զանազան դէպքերու, որոնք կը կլանենհամայն մարդկութիւնը։ Եկեղեցիներ, միջեկեղեցական բարւոք ընթացքով կ՚աղօթեն առ Աստուած, վկայութիւն տալով Քրիստոնէական եղբայրութեան։
Մենք, ըլլալով նոյն ազգի զաւակները, մեր կատարած ուխտին գծով հաւատարմութեամբ կըծառայենք վասն հոգեւոր շինութեան եւ մխիթարութեան մեր հոգեւոր խնամքին յանձնուածհաւատացեալներու։ Այս առումով մենք աղօթակից ենք Ձեզի նկատի ունենալով համայնմարդկութեան բարօրութիւնը, եւ ի մասնաւորի մեր եկեղեցիներու եղբայրականյարաբերութիւններու առաւել սերտացումն ու արդիւնաբերութիւնը։
Յանուն Պատրիարքական Աթոռոյ, Պատկ. Կրօնական Ժողովոյ, Հոգեւորական Դասունհաւատացեալ ժողովուրդին կուգանք սրտագինս շնորհաւորել Ձերդ Գերերջանիկ Տէրութիւնը, մաղթելով քաջառողջ կեանք եւ յաջողութիւն Ձեր ընդգրկած պատասխանատու առաքելութեան մէջ։Ձերդ Գերերջանիկ Տէրութեան անձին մէջ կը շնորհաւորենք նաեւ Հայ Կաթողիկէ ԵկեղեցւոյՀոգեւորականաց Դասը, մաղթելով բոլորին յաջողութիւն եւ կարողութիւն իրենց Աստուածահաճոյառաքելութեան մէջ»։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate
İlk yorum yapan siz olun