Ն.Ա.Տ. Սահակ Բ. Պատրիարք Հայրը 28 Սեպտեմբեր 2021, Երեքշաբթի, միջօրէին, ՊատրիարքարանիԴահլիճին մէջ ճաշասեղանով մեծարեց Տքթ. Սեւան Սվաճըօղլուն, որ Աք Փարթի ԿուսակցութեանԿեդրոնական Վարչական Խորհուրդի անդամակցութեան կոչուած էր։ Ընդունելութեան ներկայ եղանՀոգշ. Տ. Յովակիմ Աբեղայ Սերովբեան, Արժ. Տ. Տ. Գրիգոր Տամատեան եւ Տրդատ Ուզունեան ԱւագՔահանաներ, Արժ. Տ. Շիրվան Քհնյ. Միւրզեան, Պատրիարքարանի Ընկերային ՕժանդակութեանՅանձնախումբէն՝ Տեարք՝ Խաչիկ Ճանէլ եւ Մանուկ Քալայճը, Աթոռանիստ Մայր Եկեղեցւոյ ԹաղայինԽորհուրդի Ատենապետ՝ Տիար Հրանդ Մոսկոֆեան եւ անդամներէն՝ Տիար Դաւիթ Տամլա եւ Տքթ. Սեւան Սվաճըօղլուի երկու բարեկամները՝ հանրածանօթ օրթօփետիսթ Փրօֆ. Տքթ. ԷօնտէրԵազըճըօղլու եւ Տիար Ուղուր Էրնալպանթ։
Հիւրերը Գրիգոր Աւագ քահանայի առաջնորդութեամբ նախ այցելեցին Աթոռանիստ Մայր Եկեղեցի, ուր տեղեկութիւններ ստացան եկեղեցւոյ եւ յարակից մատուրներու մասին։ Ի տես տիրողմաքրութեան եւ կանոնաւորութեան յայտնեցին իրենց հիացումը։
Նորին Ամենապատուութիւնը ճաշի ընթացքին բարի գալուստ մաղթեց հիւրերուն եւ ուրախութիւնյայտնեց, որ Տքթ. Սեւան Սվաճըօղլուի վստահուած էր նման հանգամանք մը։ Դրուատալիցարտայայտութեամբ գովեց իր աշխատասիրութիւնը, ծառայասիրութիւնը եւ վստահութիւն յայտնեց, որ այս հանգամանքով հաւատարիմ ծառայութիւն պիտի բերէր կուսակցութեան շարքերէն ներս, նաեւ օգտակար պիտի հանդիսանար համայնքին։ Մեր Հոգեւոր Պետը յաջողութիւն մաղթեց իրառաքելութեան մէջ։
Աղբիւր։ ՊատրիարքութիւնՀայոց – Ermeni Patrikligi https://www.facebook.com/TRArmenianPatriarchate
İlk yorum yapan siz olun