COVID-19-ի տարածման և դեպքերի կտրուկ աճով պայմանավորվածՀայաստանը կրկին հայտնվել է Եվրամիության չափանիշներով համաճարակային վտանգավոր
«կարմիր» գոտում: Սա նշանակում է, որ Հայաստանի քաղաքացիների համար մուտքի սահմանափակումները կարող են խստացվել: Այս մասին հայտնում են Հայաստանի առողջապահության նախարարությունից։
Գերատեսչությունը տեղեկացնում է, որ Հիվանդությունների կանխարգելման և վերահսկման եվրոպական կենտրոնը (ECDC) համաճարակաբանական իմաստով ապահով երկրների ցանկը թարմացնում է յուրաքանչյուր երկու շաբաթը մեկ` հաշվի առնելով COVID-19-ով պայմանավորված իրավիճակը, գրանցվող նոր դեպքերի ու պատվաստումների թիվը:
«Դեռ ամռան սկզբին Հայաստանը «կարմիր» գոտուց շարժվում էր դեպի «կանաչ», սակայն ընդամենը մեկ ամսում նոր՝ «Դելտա» շտամի արագ տարածման հետևանքով Հայաստանը համաճարակաբանական տեսանկյունից կրկին համարվում է ոչ ապահով երկիր»,- ասված է հաղորդագրությունում։
Yorumlar kapatıldı.