Հայաստանի բռնցքամարտի հավաքականի անդամ Հովհաննես Բաչկովը, ով արդեն իսկ ապահովել էր օլիմպիական բրոնզե մեդալը, կիսաեզրափակիչում մրցեց աշխարհի առաջնության փոխչեմպիոն, Պանամերիկյան խաղերի արծաթե մեդալակիր Դեյվիս Քեյշոուի հետ: Մենամարտում Բաչկովը զիջեց և դարձավ բրոնզե մեդալակիր։ Այս մասին գրում է Արմենպրեսը։
Մինչ այս Հայաստանը 32-րդ ամառային Օլիմպիական խաղերում նվաճել էր երեք մեդալ: Ծանրորդ Սիմոն Մարտիրոսյանը և հունահռոմեական ոճի ըմբիշ Արթուր Ալեքսանյանը նվաճել են արծաթե մեդալ, իսկ մարմնամարզիկ Արթուր Դավթյանը՝ բրոնզե մեդալ:
Հայաստանը Տոկիոյի Օլիմպիական խաղերին մասնակցում էր 17 մարզիկով:
Տոկիոյի ամառային Օլիմպիական խաղերը կավարտվեն օգոստոսի 8-ին:
Yorumlar kapatıldı.