Երկնքի ու բժշկության միջև․ Դիանա Սահակյանի պատմությունը

Արթնանալ 04։30-ին, 06։00-ից մասնակցել օդաչու դառնալու դասընթացներին, գնալ աշխատանքի՝ բժշկի դերում․ այսպիսին էր Դիանա Սահակյանի առօրյան անցած տարի։

Դիանայի ընտանիքում օդաչու լինելը ավանդույթ է, պապիկը օդաչու էր, հայրը և հորեղբայրը ևս, եղբայրը՝ պարապլաներիստ։ Ընտրելով մոր մասնագիտությունը՝ 2013-ից Դիանան աշխատում է որպես բժիշկ-ռադիոլոգ։ Անցած տարի, սակայն, նա ստացել է մասնավոր օդաչուի արտոնագիր։ Դիանան նշում է, որ բժշկությունը շատ է սիրում և չի սխալվել երկու մասնագիտությունները համադրելու հարցում։ «Զբաղվել միայն մեկ բանով կյանքում՝ ձանձրալի է»,- ասում է նա։

---

https://www.civilnet.am/news/606110/%d5%a5%d6%80%d5%af%d5%b6%d6%84%d5%ab-%d5%b8%d6%82-%d5%a2%d5%aa%d5%b7%d5%af%d5%b8%d6%82%d5%a9%d5%b5%d5%a1%d5%b6-%d5%b4%d5%ab%d5%bb%d6%87%e2%80%a4-%d5%a4%d5%ab%d5%a1%d5%b6%d5%a1-%d5%bd%d5%a1%d5%b0%d5%a1%d5%af%d5%b5%d5%a1%d5%b6%d5%ab-%d5%ba%d5%a1%d5%bf%d5%b4%d5%b8%d6%82%d5%a9%d5%b5%d5%b8%d6%82%d5%b6%d5%a8/