Հայաստանի ազատ ոճի ըմբշամարտի հաւաքականի անդամ Արսէն Յարութիւնեան հանդիսացաւ աշխարհի բաժակի անհատական ախոյեանութեան արծաթէ մետալակիր:
Սերպիոյ մայրաքաղաք Պելկրատի մէջ տեղի ունեցած այս ախոյեանութեան 57 քկ դասակարգին մէջ, Յարութիւնեան, որ աւարտականին մրցեցաւ Ռուսիան ներկայացնող Ռաւուր Ուկույեւի դէմ, կրեց 10-0 արդիւնքով պարտութիւն մը եւ հանդիսացաւ աշխարհի փոխախոյեան:
Նշենք, որ հայրենի ըմբիշը 2019-ին հանդիսացած էր Եւրոպայի ախոյեանութեան ոսկիէ մետալակիր, իսկ անկէ տարի մը առաջ` Եւրոպայի երիտասարդական ախոյեանութեան ախոյեան եւ աշխարհի երիտասարդական ախոյեանութեան պրոնզէ մետալակիր:
Իսկ 70 քկ դասակարգին մէջ, Արման Անդրէասեան հանդիսացաւ պրոնզէ մետալակիր: Նշենք, որ անոր ռուս մրցակիցը ոտքի վնասուածքի պատճառով այս ճակատումին չմասնակցեցաւ:
Yorumlar kapatıldı.