Կաթողիկոսն ընդհատում է այցն Իտալիա ու վերադառնում Հայաստան

Ամենայն Հայոց Կաթողիկոս Գարեգին Բ-ն ընդհատում է այցն Իտալիա, որի ընթացքում պետք է հանդիպեր Հռոմի Ֆրանցիսկոս Պապի հետ, և անհապաղ վերադառնում է Հայաստան։ Այս մասին հայտնում է Կաթողիկոսի պաշտոնական ֆեյսբուքյան էջը:«Հայորդիներ,Այսօր վաղ առավոտյան ադրբեջանական զինված ուժերը, վերստին խախտելով զինադադարը, ուխտադրուժ կերպով նախահարձակ են եղել շփման գծի ողջ երկայնքով՝ ռմբակոծելով Արցախի խաղաղ բնակավայրեր, այդ թվում և մայրաքաղաք Ստեփանակերտը։Արցախ հայրենի մեր երկիրը վերստին կանչում է մեզ ամենքիս՝ պաշտպանելու մեր ազգի իրավունքները, մեր սրբազան հողը, մեր ապագան ու ազգային արժանապատվությունը։Կոչ ենք անում մեր ժողովրդին միասնության եւ քաղաքական բոլոր ուժերին՝ ստորադասելու հակասությունները հանուն Հայրենիքի պաշտպանության կարիքների։Այս պահին, այցով գտնվելով Իտալիայում, որի ընթացքում պետք է հանդիպում պիտի ունենայինք Մեր սիրեցյալ եղբայր Հռոմի Սրբազան Քահանայապետ Ֆրանցիսկոս Պապի հետ, ընդհատում ենք այն և անհապաղ վերադառնում Հայրենիք։Աստված պահապան Արցախ աշխարհին, զորավիգ ու ապավեն՝ մեր քաջազուն զինվորներին ու հրամանատարներին», – նշված է էջում։

https://armedia.am/arm/news/87050/katoxikosn-yndhatum-e-aycn-italia-u-veradarnum-hayastan.html