ՍՈՒՐԲ ՊԵՏՐՈՍ ԵՒ ՍՈՒՐԲ ՊՕՂՈՍ ԱՌԱՔԵԱԼՆԵՐՈՒ ՅԻՇԱՏԱԿՈՒԹԵԱՆ ՕՐ

26 Դեկտեմբեր 2019

Ս. Պետրոսը Տիրոջ 12 առաքեալներէն մէկը եւ Անդրէաս առաքեալի եղբայրն էր։ Ան Տիրոջ Պայծառակերպութեան և Յիսուսի հետ կապուած կարևոր դէպքերու ականատեսը եղաւ։

Ձկնորս էր, անոր թլփատութեան անունը Շմավոն էր, իսկ յունարէնՍիմոն: Քրիստոս անոր ըսաւ. «Դուն Յովնանի որդի Սիմոնն ես. դուն պիտի կոչուիս Կեփաս» (Յովհ. 1:42): «Կեփաս» կը նշանակէ «վեմ», յունարեն Պետրոս:

Ս. Պետրոսը Բեթսայիդա գիւղէն էր, սակայն փոխադրուած էր հարևան Կափառնայում քաղաքը, ուր Յիսուս բժշկեց անոր զոքանչը: Ս. Պետրոս, առաւելաբար աւետարանական այն դրուագին համաձայն Յիսուսը դաւանեց որպէս Կենդանի Աստուծոյ Որդի: Յիսուս եկեղեցին հաստատեց, այդ դաւանութեան վրայ, այսինքն` Քրիստոս որպէս աշխարհի Փրկիչ և Աստուծոյ Որդի, պիտի կառուցէ իր եկեղեցին (Մատթ. 16:15-19):

Յիսուսի ձերբակալման գիշերը Պետրոս, երեք անգամ ուրացաւ Յիսուսը, սակայն յետոյ խորապէս զղջաց։ Հոգեգալուստէն յետոյ ան բացատրեց հավաքուածներուն կատարուածի իմաստը ու խօսեցաւ յարուցեալ Յիսուսի մասին:

Անոր կարևոր գործերէն մէկը եղաւ հեթանոսները եկեղեցի շահեցնել։ Հերովդէս թագաւորի ատեն ձերբակալուեցաւ, բայց հրաշքով ազատեցաւ բանտէն:

Ըստ աւանդութեան՝ նահատակուեցաւ Հռոմ`գլխիվայր խաչուելով: Մեզ հասած են անոր երկու Ընդհանրական Նամակները:

---

Ս. Պօղոսը Տիրոջ 13-րդ առաքեալն է: Ծնած է Կիլիկիայի Տարսոն քաղաքը, առաջին դարի սկզբներուն, հռոմէական քաղաքացիութիւն ունեցող հրեա ծնողներէն, որոնք ըստ Հերոնիմոսի, եկած էին Գալիլիալէն։

Ան վրանագործ էր: Նախնական կրթութիւնը ստացած էր իր ծննդավայրը, յետոյ Երուսաղեմ աշակերտած Գամաղիէլ օրենուսոյցին մօտ: Անոր վկայութեան համաձայն` եղած է փարիսեցի, խստորեն պահպանած է օրէնքը ու հալածած է քրիստոնեաները:

Սակայն Դամասկոսի ճանապարհին Յիսուս երևցած է անոր, անկէ յետոյ Սողոսը` հետագային դարձած է Ս. Պօղոս առաքեալ, Աւետարանի ամենաեռանդուն քարոզիչը:

Ան մկրտուած է Ս. Անանիա կողմէ։ Կատարած է քանի մը ճանապարհորդութիւններ` քարոզելով Աստուծոյ խօսքը:

Մեզ հասած են անոր 14 թուղթերը: Ըստ աւանդութեան՝ նահատակուած է Հռոմ, 67 թուականին, Ներոնի հալածանքներու ժամանակ և գլխատուած է:

Հայ Առաքելական Եկեղեցին Ս. Պետրոս և Ս. Պօղոս առաքեալներու յիշատակի օրը կը տօնէ Սուրբ Ծնունդին նախորդող աւագ տօներու ժամանակ:

Աղբիւր։ Qahana

Թարգմանութիւն։ Անուշ Գարմէն Սար