14 Դեկտեմբեր 2019
Ս. Յակոբ Մծբնա Հայրապետը Ընդհանրական Եկեղեցւոյ հեղինակաւոր և սիրուած սուրբերէն է: Կատարած բազում հրաշքներու շնորհիւ կոչուած է նաև «Սքանչելագործ»:
Վարքագրական աղբիւրներու համաձայն` Ս. Յակոբը պարթևական տոհմեն է և մեր առաջին Հայրապետ Ս. Գրիգոր Լուսաւորչի հորաքրոջ որդին է: Երբ Անակ Պարթևի տոհմը բնաջնջուեցաւ, դայեակները մանուկ Սուրէնը և Յակոբը փախցուցին Կեսարիա, հոն դաստիարակուեցան քրիստոնեական ոգիով:
Շատ չանցած՝ մանուկ Յակոբը իր քրոջ՝ Սակդենի հետ, տեղափոխուեցաւ Պարսկաստան և որոշ ժամանակ ապրեցան արքունիքը: Սակայն Յակոբը թողեց այդ ճոխ կեանքը, դարձաւ ճգնաւոր: Յետոյ գնաց Մծբին քաղաքը, հանդիպեցաւ Մարուգէ ճգնաւորին, ով հռչակուած էր սրբակենցաղութեամբ:
Անկէ լսելով, որ մարդոցմէ շատերը, թեպետ, հաւատքի կուգային, բայց թերահաւատ էին և կը կասկածէին Նոյյան տապանի գոյութիւնէն։ Ան որոշեց լեռ բարձրանալ, տապանը տեսնել և մասնիկ մը բերել: Հակառակ անկոտրելի կամքին` չկարողացաւ հասնիլ Արարատի գագաթը և երկար տանջանքէ վերջ նիրհեց:
Երազին մէջ հրեշտակ մը այցելեց իրեն և տապանէն մասունք մը դրաւ գլխուն տակ: Ըստ աւանդութեան՝ Ս. Յակոբի պառկած տեղը սառնորակ աղբիւր մը կը բխայ, բուժիչ և հրաշագործ հատկություններ ունեցող իսկ աղբիւրի կողքին հետագային սուրբի անունով եկեղեցի մը կը կառուցուի:
Նոյյան տապանի այդ մասունքը այսօր կը պահուի Մայր Աթոռ Սուրբ Էջմիածին:
Սուրբ Յակոբ, ըլլալով ժամանակի պատկառելի անձնաւորութիւներէն մէկը` կը մասնակցի 325 թուականի Նիկիայի տիեզերաժողովին:
Իր կեանքի ընթացքին բազմաթիւ հրաշքներ կը գործէ: Մծբինի եպիսկոպոսի մահէն ետք Աստուած Մարուգէին կը յայտնէ, որ Յակոբը ըլլալու է աթոռի արժանի յետնորդը: Երկար տարիներ իր հոտը հովուելէ յետոյ 350 թուականին կը մահանայ :
******************************************
Մելիտոս եպիսկոպոսը ծնած է Փոքր Հայքի Մելիտինէ քաղաքը և 358 թուականին Սեբաստիա քաղաքի եպիսկոպոսը կ’ըլլայ: 360 թուականին կը գահակալէ Անտիոքի աթոռը: Ան աննկուն պայքար կը մղէ արիոսականներու դեմ: Կը նախագահէ 381 թուականի Կ.Պոլսի երկրորդ տիեզերաժողովը, սակայն կը մահանայ ժողովի աւարտէն առաջ:
Աղբիւր։ Qahana
Թարգմանութիւն։ Անուշ Գարմէն Սար
İlk yorum yapan siz olun