ԳԻՒՏ ՏՓՈՅ ՍՈՒՐԲ ԱՍՏՈՒԱԾՍԾՆԻ

Հայ Առաքելական սուրբ եկեղեցին, Սուրբ Մարիամ Աստուածածնի նուիրուած 7 տօն ունի։
Անոնցմէ մէկն է Ս. Աստուածածնի տուփի գտնուելու տօնը։

Աստուածամօր մարմնական մասունքներու չգոյութիւնը հաւատացեալներու  երկիւղածութիւնը ուղղեց դէպի անոր  սեփական իրերու։ Անոնցմէ  մէկն այն տուփն էր որ մէջը կը գտնուէր Ս. Կոյսի գլխանոցը:

Ըստ աւանդութեան, Կ.Պոլսեցի երկու յոյն ազնուական եղբայրներ`Գալբիաս և Կանտիտաս, Երուսաղեմ ուխտի կ’երթան, կը լսեն որ Գալիլեա գիւղը մի հրեայ կնոջ տունը հրաշքներ կը կատարուի: Հետաքրքրուելով, կը մտնեն տուն և կը տեսնեն տուփ մը, որ կը պատկանի Աստուածամօր: Հասնելով Երուսաղեմ`պատրաստել կուտան ճիշտ նոյն տուփի ուրիշ մէկ օրինակը և վերադարձին, կրկին մտնելով հրեայ կնոջ տունը, աննկատ կը փոխեն տուփերը։ Իսկականը կը տանին Կ. Պոլիս և կը հանձնեն պատրիարքին:

Բիւզանդացի Լևոն կայսրի օրով (454-474թթ.) մեծ թափորով ու պատիւով այն կը զետեղեն Կ.Պոլսի Սուրբ Աստուածածին եկեղեցին և կը հաստատուի տօն`Ս. Աստուածածնի տուփի գիւտը:

Այս տօնը հաստատուն կերպով մեր եկեղեցւոյ տօնացոյցի մէջ կը մտնէ 18-րդ դարուն Սիմէոն Երևանցի կաթողիկոսի կարգադրութեամբ:

Հայ Առաքելական սուրբ եկեղեցին Ս. Աստուածածնի տուփի գիւտի տօնը կը նշէ Հոգեգալստեան հինգերորդ կիրակի օրը:

Անուշ ԳարմԷն Սար

Աղբիւր։ Holy Trinity Church/Հայ Առաքելական Սուրբ Եկեղեցի