İçeriğe geçmek için "Enter"a basın

Ս. Գրիգոր Լուսաւորչի Նշխարներու Գիւտը

(6 Յուլիս 2019)

Ս. Գրիգոր Լուսաւորչի Նշխարներու Գիւտը հայոց մեծագոյն սուրբերէն մէկու յիշատակին նուիրուած երեք տօներէն մէկն է: Ըստ աւանդութեան՝ հայոց մեծ դարձէն յետոյ Ս. Գրիգոր Լուսաւորիչն իր կեանքի վերջին տարիները կ’աւարտէ ճգնակեցութեամբ՝ Սեպուհ Լեռան Մանէի Քարայրին մէջ, հոն կը վախճանի 326 թուականին: Անոր մարմինը կը գտնեն հովիւները, որոնք չճանչնալով մահացած կաթողիկոսին, մարմինը կը ծածկեն քարակոյտի տակ: 

Հետագային Ս. Գրիգոր Լուսաւորիչը տեսիլքով կը հայտնէ իր նշխարներու տեղը աշակերտներէն Գառնիկ Բասենցիին, անկէ  յետոյ Հայրապետի նշխարները կը տեղափոխուի և կ’ամփոփուի Դարանաղի Գաւառի, Թորդան Գիւղը։

Ս. Գրիգոր Լուսաւորչի նշխարները բոլոր քրիստոնեական եկեղեցիներու ամենամեծ սրբութիւններէն է: Հայոց Հայրապետի նշխարները գտնուելէ յետոյ անոնցմէ մի մաս իբրև սրբազան մասունք կը տարուի Վաղարշապատ, Բիւզանդիա եւ Իտալիա: Մայր Աթոռ Ս. Էջմիածնի մէջ պահուող Լուսավորչի Ս. Աջը Հայ եկեղեցւոյ կարևորագոյն սրբութիւններէն մեկն է, որով կ’օրհնուի սրբազան միւռոնը: 

Ս. Գրիգոր Լուսաւորչի Նշխարներու Գիւտի տօնը կը նշուի Հոգեգալստէն յետոյ, չորրորդ շաբաթ օրը: Տօնի օրը եկեղեցիները կը  մատուցուի Ս. Պատարագ: Տօնի առիթով Հայ եկեղեցին սահմանած է շաբաթապահք: Տօնը ունի նաև իր նախատօնակը:

Արեւմտահայերեն թարգմանություն: Անուշ ԳարմԷն Սար

Աղբիւր։ Qahana 

İlk yorum yapan siz olun

Bir Cevap Yazın

%d blogcu bunu beğendi: