Պոլսո հայոց պատրիարքարանի եկամտի հիմնական աղբյուրը մկրտության, հարսանեկան և թաղման արարողությունների կազմակերպման համար վճարվող գումարն է. Թուրքիայում իրավաբանական անձ չհամարվող պատրիարքարանը ֆինանսական այլ աղբյուրներ չունի։ Եկեղեցում անցկացվող վերոնշյալ արարողություններն իրականացնելու համար սահմանված գները 2015 թվականի համար աճել են ոչ ստանդարտ կերպով։
***
Պոլսո հայոց պատրիարքարանում մատուցվող տարբեր ծառայություններից օգտվելու համար մարդիկ այժմ ստիպված կլինեն վճարել անհամեմատ ավելի շատ գումար։ Այս մասին գրում է Թուրքիայում լույս տեսնող հայկական «Ակօս» շաբաթաթերթը։
Պոլսո հայոց պատրիարքարանի եկամտի հիմնական աղբյուրը մկրտության, հարսանեկան և թաղման արարողությունների կազմակերպման համար վճարվող գումարն է. Թուրքիայում իրավաբանական անձ չհամարվող պատրիարքարանը ֆինանսական այլ աղբյուրներ չունի։
Եկեղեցում անցկացվող վերոնշյալ արարողություններն իրականացնելու համար սահմանված գները 2015 թվականի համար աճել են ոչ ստանդարտ կերպով։ Այսպես. մկրտության և թաղման արարողության կազմակերպումը թանկացել է համապատասխանաբար՝ 74 և 44 տոկոսով։ Իսկ այն հայերը, ովքեր ցանկանում են իրենց հարսանեկան արարողությունը կազմակերպել Պոլսո հայոց պատրիարքարանի հոգևորականների միջոցով, նախկինի համեմատ այժմ ստիպված կլինեն վճարել 120 տոկոսով ավելի բարձր գին։
Եպիսկոպոսի մասնակցությամբ մկրտության արարողության համար ցանկացողները պետք է վճարեն 3600 թուրքական լիրա (շուրջ 2200 ամերիկյան դոլար): Հուղարկավորության համար այժմ պետք է վճարել 1000 թուրքական լիրա (շուրջ 450 ամերիկյան դոլար): Իսկ ահա ամուսնության համար պահանջվում է 1525 թուրքական լիրա (շուրջ 700 ամերիկյան դոլար), ինչը 2014 թվականի ցուցանիշները գերազանցում է 120 տոկոսով:
Հիշեցնենք, որ Պոլսո հայոց պատրիարք Մեսրոպ II Մութաֆյանը 2008 թվականից ի վեր անբուժելի ծանր հիվանդ է, ինչի պատճառով հիվանդանոցում բժիշկների մշտական խնամքի տակ է: Նրա փոխարեն պատրիարքի պարտականությունները կատարում է Արամ արքեպիսկոպոս Աթեշյանը: Ըստ թուրքական օրենքների՝ երկրի իշխանությունները վերահսկում են երկրի կրոնական փոքրամասնությունների ղեկավարների ընտրությունները: Ընտրությունների հետ կապված զարգացումները Ստամբուլի հայ համայնքի շրջանում տարաձայնությունների պատճառ են դարձել:
Ստամբուլի հայ համայնքի շատ ներկայացուցիչներ քննադատում են Պոլսո հայոց պատրիարքի ընդհանուր փոխանորդ Արամ արքեպիսկոպոս Աթեշյանին, որը հայտնի է թուրքական իշխանական շրջանակների հետ լավ հարաբերություններով: Հայ համայնքում պահանջում են, որպեսզի հարգվեն պատրիարքարանի օրենքները, ըստ որոնց` պատրիարքը կառավարում է ցմահ, ուստի չեն ցանկանում Մեսրոպ Երկրորդի կենդանության օրոք նոր պատրիարք ընտրել:
Yorumlar kapatıldı.