Մայր հայրենիքէն սէր ու գգուանք ձեր բոլորին. Տարիներու ցգտումէ յետոյ, վերջապէս կրցի հայաստան այցելել : Խնդրեմ, հաճեցէք մի քանի րոպէ յատկացնել, սոյն գրութիւնը կարդալու, անգամ մըն ալ հայրենիքը իմ տպաւորութիւններովս այցելելու համար : Վստահ եմ որ ամէնքս ալ տեղեակ ենք այս դեռատի հանրապետութեան այլեւայլ դժուարութիւններու մասին, կառավարական, տնտեսագիտական, արօրիայ կեանքի եւլն. : Գանգատներէ պիտի խուսափիմ : Արեւոտ ու գեղեցիկ մթնոլորտ մը դիմաւորեց զիս :32°ի ջերմութիւնը մեղմ հովի մը ընկերակցութեամբ ,հրապուրիչ ամառնային եղանակը կ’ապրեցներ լիուլի. Ծիծեռնակաբերդի բարձրունքը, անուշ ու մելամաղցոտ երաժշտութեամբ մը կը սնուցանէ հայկական ոգիով լի մեր բջիջները : Յաճախ կարելի է հանդիպիլ մեր ծարաւը հագեցնող աղբիւրներու : Ճարտարարուեստական շինութիւններով վերանորոգման ենթարկուած Երեւան մայրաքաղաքը ,սքանչելի ներկայացում մը կ’ընծայէ ամէն գիշեր, հանրապետութեան հրապարակը, աւազանին շուրջ, երկու ժամուայ տեւողութեամբ, հմայելով մեր աչքերն ու ականջները : Անհամար եկեղեցիներով զարդարուած հայրենիքին օդը շնչել մի տարբեր գոհունակութիւն է հայու հոգիին. Գերազանց զգացումով մը, սրտի եւ մտքի անբացատրելի վերանորոգման կ’ենթարկէ հայաստանի անկախ հողերու վրայ ըլլալու երջանկութիւնը : Ինչպէս որ յիշեցուցած է, հետեւեալ իրողութիւնը սիրելի բարեկամուհիս, Արմաւենի Միրօղլու, որու հետ հայրենի հողին վրայ ծանօթանալու առիթը ու բախտաւորութիւնը ունեցայ՝ «Հայ ծնիլը պատիւ է, ապրիլը տառապանք է, մնալը յաղթանակ է.» Լեռներով շրջապատուած է մայր հայրենիքը, որոնց շնորհիւ կարելի է շնչել չապականած օդը :Հիւթեղ են պտուղ եւ բանջարեղէնները , որոնք չեն վնասուած պահպանողական աւելցուքներով, սամիթը ունի իր իսկական համը, լոլիկը իր հոտը, սմբուկը իր ինքնատիպ ձեւը : Ամէն մարդ հայերէնով կը յայտնուի, մի քիչ ոճի տարբերութեամբ բայց հայերէնով, մեր պապերէն ժառանգ, ոսկեղնիկ այբուբենով… ինչ մեծ հրճուանք մեր աշխարհաշրջիկ ազգին համար : Սրտաճմլիկ վերադառցայ ապրած երկրիս, խօստանալով ինքզինքիս ՝ Հայաստան ապրելու իրաւունք ստանալ եւ տանտէր դառնալ հայրենի հողերու վրայ. որ ըստ իս՝ ամէն հայորդի ջանալու է նման որոշումներ առնել իր կեանքի ընթացքին, նկատի ունենալով ապագայ հայ սերունդի մշտատեւողութիւնը հայրենի հողերուն վրայ : Բարին ընդ ձեզ՝ Սրբուհի «Սիլվի» Մարազեան Փարիզ
Yorumlar kapatıldı.